चिपळूण : शहराच्या सांस्कृतिक वैभवात भर घालणारा मशाल महोत्सव १२ नोव्हेंबर २०१९ रोजी सायंकाळी त्रिपुरारी पौर्णिमेनिमित्त ऐतिहासिक गोविंदगडावर साजरा झाला. किल्ले प्रतापगडानंतर कोकणात होणारा हा पहिलाच मशाल महोत्सव आहे. या निमित्ताने संपूर्ण गडाभोवती मशाली लावण्यात आल्या. गोवळकोट गावातून काढण्यात आलेली शिवछत्रपतींची पालखी मिरवणूक किल्ल्यात पोहोचल्यावर दीपप्रज्ज्वलन करून शिवरायांना अभिवादन करण्यात आले. गडावर मशाली पेटविण्यात आल्या. फटाक्यांची आतषबाजीही करण्यात आली. या उत्सवाचे हे सहावे वर्ष होते.
